قال مروان فارس، صانع محتوى، إنه كان متفوقا ومن الأوائل فى الثانوية العامة، حيث حصل على نتيجة 409 من أصل 410 درجة، وتلقى مكالمة هاتفية من وزير التربية والتعليم يهنئه بالنتيجة.

وأضاف ساخرا خلال لقائه مع الإعلامية منى الشاذلى ببرنامج "معكم" الذى يذاع على قناة "on": "فى ناس وصل بيها البجاحة أنها تسألنى الدرجة اللى نقصتها دى راحت فين، بيقولوا لى ليه مجبتش 410؟".

وقال: "مكنش يبان عليا التفوق طول فترة الثانوية العامة، لدرجة أن أولياء أمور زملائى فى الفترة دى، كانوا متخيلين أن أنا اللى هسقطهم، ومكنتش بذاكر كتير، ومبحبش يتقالى يا دحيح، وأنا مكنش فى دماغى نهائيا إنى أبقى أول جمهورية".

وتابع: "لما طلعنا رحلة لإيطاليا كان فيها أوائل الجمهورية، كنت متضايق جدا، أنا هطلع معاهم وهما دحيحة وأنا عاوز اتبسط، لكن لما سافرت معاهم هما ألذ ناس فى الكوكب".

وقال صانع المحتوى على مواقع التواصل الاجتماعى، محمد حليم، إنه كان علمى رياضة خلال مرحلة الثانوية العامة.

وأضاف: "كان عندى امتحان ديناميكا، وكان فى شهر رمضان، وأنا فى رمضان مبعرفش اليوم بيمشى ازاى، أتذكر يومها أن الامتحان كان 9 صباحا، وأنا قمت من نومى الساعة 9، والناس كانت بتروح من اللجان".

وقال: "الأمر الغريب فى القصة دى، إنى لما صحيت متأخر على الامتحان، لم أجد أحد مهتم من الأساس فى البيت، كله كان نايم والدنيا تمام"، متابعًا:"وصلت اللجنة يومها الساعة 10 وربع صباحا، المراقب قالى ممنوع، ساعتها كنت هبوس إيده، دخلنى اللجنة، ونقصت 10 درجات فى الامتحان، وده كان إنجاز، الأزمة بقى إنى نقصت 40 درجة فى امتحان اللغة العربية".