أعرب الفنان إسلام إبراهيم عبر حسابه بموقع تبادل الفيديوهات والصور «إنستجرام» عن سعادته بالمشاركة مع إسعاد يونس، في مسلسل «تيتا زوزو».

وكتب إسلام إبراهيم: «خلصت تجربة من أمتع وألذ وأبهج وادفى التجارب اللي دخلتها الشغل مع صاحبة السعادة النجمة إسعاد يونس أو إس زي ما بتحب نقولها لأنها قريبة من الكل ممتع بشكل ما يتوصفش، أم بكل ما تحمل الكلمة من معاني عندها أمومة مفرطة لدرجة إني كنت بحس إن ربنا طبطب عليا بالعمل ده السنة دي بالذات، عشان استمتع بكل المشاعر الحلوة دي فنانة تتعلم منها الالتزام والتركيز والتفاني في الشغل خفة دم وضحك وطفولة طول، ما أنت بتصور حد كده ربنا مجمع فيه كل الحاجات اللي صعب تتجمع في شخصية واحدة، بنحبك يا أس لأنك تستاهل كل الحب والحاجات الحلوة اللي في الدنيا».

واختتم «إسلام»: وأخيرًا شكرًا شرين عادل إنك خلتيني جزء من التجربة دي، وطبعا كلامي عن حلاوتك هيحتاج بوست لوحده، وشكرًا زيزو محمد عبد العزيز علي رشدي، شكرًا سيف رشيد علي تعبك معايا، ربنا يكتبلنا النجاح هتوحشوني أوي».

مسلسل تيتا زوزو

مسلسل تيتا زوزو للفنانة إسعاد يونس من إخراج شيرين عادل وكتابة محمد عبد العزيز، ويشارك في البطولة مصطفى غريب، إسلام إبراهيم، ندى موسى، محمد كيلاني، إيناس كامل، حمزة العيلي، نور محمود، محمود البزاوي، وإيمان يوسف، وهو من إنتاج «سينرجي».