ابـتدى التاريخ من يوم ابـتـديـنـا

وقـبـلـهـا مـا كان للتاريخ مـعـنى

حِـنَّـا أسـَّسـنـا قـواعـده وبـنـيـنـا

مـجـد لـولانـا أبـد مـا كان يُبـنـى

من ثـلاثـة قرون والـقـوَّة بإديـنـا

من وصل للمجد اللي له وصلنا؟!

نعمل بـصمـتٍ ولا يوم حـكـيـنــا

نترك إنجازاتنـا هي تحكي عـنَّـا

نهجنا الـتـوحـيـد اللي به قـويـنـا

في ربوع الدين واحضانه ربـيـنـا

كِـنـِّنــا زرع بـبـسـتــانــه نـبـتــنـا

ومن يـنـابيـعـه شربـنـا وارتـويـنـا

واغترفنا من تـعـالـيـمـه ونشـرنـا

ديرة التوحيـد عـشـقٍ بـهْ رِقَـيـنـا

ساكنـة فـيـنـا وإن فـيـهـا سـكـنـا

غـالـيـة أرواحـنـا جـداً عـلــيــنــا

بس محال تكون أغلى من وطنَّا