حذّر المخرج عمرو سلامة، المتسابق موريس مودي، بسبب حضوره لورشة "كاستينج"  متأخر. 

وقال المخرج عمرو سلامة خلال حديثه مع المتسابق موريس مودي، ببرنامج "كاستينج" المذاع عبر قناة dmc:"إنت اتأخرت ليه؟.. إللي حصل النهارده  ده بيحطك على خطر رهيب إنك متكملش، احتمال كبير متكملش النهاردة، إلا لو فيه ناس مصيبتهم تبقى أكبر من مصيبة تأخيرك ".

ومن جانبه، قال موريس مودي: " قبل دخولي للورشة كنت متوتر جدًا بصراحة، خاصة إني كنت منتظر في الخارج شوية وسامع إنهم بدءوا  التمرين".

ونجح الطالب موريس مودي في أداء تمرين "سؤال ×سؤال" خلال ورشة الارتجال في "كاستينج". 

وأبدى الفنان رمزي لينر رأيه في الطالب موريس مودي، قائلًا: "أنا بحب موريس مودي أوي على الرغم من أنني لم أر له أي شيء في التمثيل، وأنا مش عارف هيحصل إيه بسبب التأخير بتاعه النهارده، لكن أنا حاسس إن عنده حاجة قوية جدًا". 

برنامج "كاستينج"

برنامج "كاستينج" أحدث مشروعات الشركة المتحدة للخدمات الإعلامية لاكتشاف المواهب التمثيلية.

 يعد البرنامج أحدث إنتاجات United Studios، ويهدف إلى اختيار 13 ممثلًا جديدًا لمنحهم الفرصة للظهور في أدوار البطولة في مسلسل تليفزيوني جديد من إنتاج المتحدة للخدمات الإعلامية، فيما يشرف على الاختيار وإخراج وكتابة المسلسل عمرو سلامة.